Karlo Ançelotti Kakaya təklif göndərdi

Braziliya millisini çalışdırmağa hazırlaşan "Real Madrid"in baş məşqçisi Karlo Ançelotti sabiq futbolçusu Kakaya iş təklif edib.

BAKU.WS CNN-ə istinadən xəbər verir ki, italiyalı mütəxəssis sabiq futbolçu ilə əlaqə saxlayıb və onu millinin məşqçilər korpusunda işləməyə çağırıb.

Xatırladaq ki, Kaka 2003-2007-ci illərdə Ançelottinin rəhbərliyi altında "Milan"da futbol oynayıb.

Hazırda "Real Madrid"ə başçılıq edən Ançelotti İspaniya çempionatında mövsüm başa çatdıqdan sonra 2025-ci ilin iyununda milli komanda ilə işləməyə başlayacaq. O, həm də milli komandanın tarixində ilk avropalı məşqçi olub.