İspaniya çempionatında sürpriz nəticə: Madrid "Real"ı xal itirdi

İspaniya La Liqasının 30-cu turunda gözlənilməz nəticə qeydə alınıb.

BAKU.WS xəbər verir ki, "Real Madrid" səfərdə "Mallorca" ilə qarşılaşıb və 1:2 hesabı ilə məğlub olub.

Bununla da "kral klubu" son altı oyunun üçündə məğlubiyyətlə üzləşib. Komanda bundan əvvəl "Osasuna" (1:2) və "Getafe" (0:1) ilə oyunlarda da xal itirmişdi.

Hazırda turnir cədvəlində "Real Madrid" 30 turdan sonra topladığı 69 xalla ikinci pillədə qərarlaşıb. "Mallorca" isə bu qələbə sayəsində təhlükəli zonadan uzaqlaşaraq 31 xalla 15-ci yerə yüksəlib.

Növbəti turda Madrid təmsilçisi doğma meydanda "Girona" ilə qarşılaşacaq. "Mallorca" isə səfərdə "Rayo Vallecano" ilə üz-üzə gələcək.