İngiltərə Premyer Liqasında yanvarın ən yaxşı baş məşqçisi bəlli olub

İngiltərə Premyer Liqasında yanvar ayının ən yaxşı baş məşqçisi bəlli olub.

"Report" xəbər verir ki, bu ada "Bornmut"un "sükanı arxasında" olan Andoni İraola layiq görülüb.

Mütəxəssis azarkeşlərin səsverməsinə əsasən Pep Qvardiola ("Mançester Siti"), Mikel Arteta ("Arsenal") və Eddi Hounu ("Nyukasl") qabaqlayıb.

Qeyd edək ki, "Bornmut" ötən ay İraolanın rəhbərliyi altında 4 matçda 3 qələbə qazanıb, 1 heç-heçəyə imza atıb. Komanda Premyer Liqada 40 xalla yeddinci pillədə qərarlaşıb.