İkardi yenə Ali Koça söz atdı

"Qalatasaray"ın argentinalı hücumçusu Mauro İkardi sosial şəbəkədə "Fənərbağça" azarkeşlərinin rəhbərliyə etirazını əks etdirən video paylaşıb.

BAKU.WS xəbər verir ki, paylaşım "Fənərbağça"lı azarkeşləri daha da qəzəbləndirib.

İkardi videonun üzərinə "Ola bilərmi, əziz Fənərbağçalılar, fikrimizcə davam etsin" sözlərini yazıb.

O, həmçinin paylaşımında gülən emosiya və sarı - qırmızı ürək emojilərindən də istifadə edib.

Qeyd edək ki, zədəsinə qədər bu mövsüm "Qalatasaray"ın heyətində 14 matçda forma geyinən İkardi 6 qol vurub, 2 məhsuldar ötürmə edib.