FIFA 2030 və 2034-cü illərdə dünya çempionatının keçiriləcəyi ölkələri rəsmən təsdiqləyib

FIFA 2030 və 2034-cü illərdə dünya çempionatının keçiriləcəyi ölkələri rəsmən təsdiqləyib.

"Report" xəbər verir ki, bu barədə qərar FIFA-nın onlayn formatda Növbədənkənar Konqresində qəbul edilib.

Əvvəlcədən məlum olduğu kimi 2030-ci ildəki mundialın İspaniya, Portuqaliya, Mərakeş, Argentina, Paraqvay və Uruqvayda keçirilməsi rəsmiləşib.

2034-cü il dünya çempionatının isə Səudiyyə Ərəbistanında baş tutacağı dəqiqləşib. Asiya ölkəsində yay aylarındakı istini nəzərə alaraq, turnirin qışda təşkil olunması qərarı qəbul edilib.

Xatırladaq ki, 2030-cu ildə mundiallar tarixinin 100 illlik yubileyi qeyd olunacaq. Bu səbəbdən ilk dəfə olaraq mundiala 6 ölkə ev sahibliyi edəcək.