"Fənərbağça" yaşı ötmüş "ulduzları"nı göndərir

"Fənərbağça"nın prezidenti Ali Koç və rəhbərlik yeni mövsüm üçün transfer planını təyin edib.

BAKU.WS Türkiyə mətbuatına istinadən xəbər verir ki, "Fənərbağça" yaşlarının irəliləməsi səbəbindən müqavilələri başa çatacaq Edin Dzeko və Duşan Tadiçlə yollarını ayıracaq.

Mövsümün ortası transfer dönəmində "Əl-Nassr"ın ciddi maraq göstərdiyi Youssef En-Nesyri də yaxşı təklif alınacağı təqdirdə göndəriləcək.

Gedişlərdən sonra "Fənərbağça" yeni mövsüm transferlərində forvard sahəyə üstünlük verəcək və iki sürətli hücumçu alacaq. Komandanın orta yaşını azaltmağı hədəfləyən Ali Koç yeni mövsümdə daha sürətli heyət qurmağı planlaşdırır.