Dünya çempionatı: Milli Gimnastika Arenasında I turun oyunlarına yekun vurulub

Serbiya millisi Bakıda təşkil olunan minifutbol üzrə dünya çempionatında İsrail yığmasını məğlub edib.

BAKU.WS "Report"a istinadən xəbər verir ki, H qrupunun oyunu Milli Gimnastika Arenasında baş tutub.

Mundialın ikinci gününün son qarşılaşması serblərin 3:0 hesablı qələbəsi ilə yekunlaşıb.

Qeyd edək ki, bu gün baş tutan digər görüşlərdə İspaniya Qananı (3:0), İndoneziya Kosta Rikanı (1:0), Çexiya Argentinanı (2:1), Polşa Qazaxıstanı (2:1), Bosniya və Herseqovina ABŞ-ni (4:2), Gürcüstan isə BƏƏ-ni (2:0) məğlub edib. Monteneqro - Tailand matçında qalib müəyyənləşməyib - 1:1.