DÇ-2026-da ən çox qolu hansı ölkə çempionatının futbolçuları vurublar?

İngiltərə Premyer Liqasının (İPL) təmsilçiləri 2026-cı il dünya çempionatında vurulan qolların sayına görə bütün milli çempionatlar arasında birinci pillədə qərarlaşıblar.

BAKU.WS Oxu.Az-a istinadən xəbər verir ki, bu barədə məlumatı "MatchDay Central" statistika portalı yayıb.

Portalın hesablamalarına görə, İPL-də çıxış edən futbolçular cari mundialda artıq 63 dəfə rəqib qapılarına yol tapıblar.

Qeyd edək ki, DÇ-2026-da 1/8 final mərhələsinin oyunları başa çatıb. Çempionat başladığı gündən bəri ilk dəfədir ki, iyulun 8-də heç bir qarşılaşma keçirilməyəcək və komandalara istirahət verilib.