"Böyük Dəbilqə": Hidayət Heydərov və Rəşid Məmmədəliyev yarışı mükafatsız başa vurub

Azərbaycan cüdoçuları Birləşmiş Ərəb Əmirliklərinin paytaxtı Əbu-Dabidə keçirilən "Böyük Dəbilqə" turnirinin ikinci gününü də mükafatsız başa vurublar.

BAKU.WS report-a istinadən xəbər verir ki, milli üzvlərindən Olimpiya, dünya və Avropa çempionu Hidayət Heydərovla Rəşid Məmmədəliyev (hər ikisi 73 kq) fəxri kürsüdən kənarda qalıblar.

Heydərov 1/8 finaldaMukhiddin Asadulloevə (Tacikistan) uduzub. Rəşid Məmmədəliyev isə ABŞ-li Stiven Boldbaatarla bacarmayıb.

Qeyd edək ki, ötən gün yarışın startında daha 4 cüdoçumuz medal qazana bilməmişdi.

***11:48

Birləşmiş Ərəb Əmirliklərinin paytaxtı Əbu-Dabidə keçirilən "Böyük Dəbilqə" turnirinin ikinci günündə iki cüdoçumuz mübarizəyə qoşulacaq.

BAKU.WS xəbər verir ki, bu barədə Azərbaycan Cüdo Federasiyası məlumat yayıb.

73 kiloqram çəki dərəcəsində Hidayət Heydərov 1/16 final mərhələsində Adil Osmanov / Covanni Espozito cütünün qalibi ilə qarşılaşacaq.

Həmçinin eyni çəki dərəcəsində digər cüdoçumuz Rəşid Məmmədəliyev ABŞ-ni təmsil edən Stiven Boldbaatarla qarşılaşacaq.