Azərbaycanın iki güləşçisi dünya çempionatında medal qazandı

Azərbaycanın iki yunan-Roma güləşçisi Slovakiyanın paytaxtı Bratislavada keçirilən U-20 dünya çempionatında medal qazanıb.

BAKU.WS xəbər verir ki, bu barədə Azərbaycan Güləş Federasiyası məlumat yayıb.

Bildirilib ki, Tural Əhmədov (63 kq) təsəlliverici görüşdə Finlandiya təmsilçisi Matias Arpiaynenə 8:0 hesabı ilə qalib gəlib.

Axşam seansında isə ekvadorlu Klizman Velisi minimal fərqlə - 2:1 hesabı ilə məğlub edən Tural Əhmədov bürünc medal qazanıb.

Cavidan Nehmətov (77 kq) isə final görüşündə Ermənistan təmsilçisi Samvel Terteryanla qarşılaşıb. İlk xal prinsipinə əsasən rəqibinə 1:1 hesabı ilə məğlub olan güləşçi gümüş medalla kifayətlənib.