Azərbaycanın həndbol millisi Paraqvay yığmasına məğlub olub

Azərbaycan millisi Bolqarıstanın Varna şəhərində təşkil olunan həndbolu inkişaf etməkdə olan ölkələrin çempionatında növbəti oyununa çıxıb.

"Report"un məlumatına görə, yığma 5-8-ci yerlər uğrunda qarşılaşmada Paraqvayla üz-üzə gəlib.

Matç rəqib komandanın 34:22 hesablı qələbəsi ilə bitib.

Qeyd edək ki, Azərbaycan millisi B qrupunu sonuncu sırada bitirib. Komanda Moldova (21:33), Nigeriya (17:29) və ABŞ (25:45) yığmalarına uduzub.