Avropa çempionatı: Azərbaycanın daha üç cüdoçusu mübarizəyə qoşulacaq

Azərbaycanın daha üç cüdoçusu Monteneqronun paytaxtı Podqoritsada keçirilən Avropa çempionatında bu gün mübarizəyə qoşulacaq.

BAKU.WS Oxu.az-a istinadən xəbər verir ki, kişilərdən Zelim Kotsoyev (100 kq) və Uşanqi Kokauri (+100 kq), qadınların yarışında isə Nigar Süleymanova (+78 kq) qüvvəsini sınayacaq.

Daha əvvəl Əhməd Yusifov (60 kq), Rəşid Məmmədəliyev (73 kq), Zelim Tçkayev (81 kq) və Murad Fətiyev (90 kq) bürünc medal qazanıblar.

Qeyd edək ki, Azərbaycanı təmsil etmək üçün Avropa çempionatına 12 çəki dərəcəsində ümumilikdə 15 cüdoçu (9 kişi, 6 qadın) yollanıb. Yığma, həmçinin qarışıq komanda yarışında mübarizə aparacaq.