055 213 76 73
Türkiyənin "Eyüpspor" klubunun baş məşqçisi Arda Turan karyerası və "Qalatasaray"la bağlı bir sıra açıqlamalar verib.
BAKU.WS Türkiyə mətbuatına istinadən xəbər verir ki, saqqalı ilə saçları ağaran və qocalması ilə bağlı şərhlər alan Turan, "Saqqalımı qısaldıb bir az boyayanda 20 yaş cavanlaşıram. Ancaq bu şəkildə çox xoşbəxtəm deyib".
Daha sonra eks Qalatasaraylı Arda Gülərin çox istedadlı olduğunu vurğulayıb:
"Arda Gülər çox istedadlıdır, ictimai təzyiqə əhəmiyyət vermir. O, ulduz olacaq, ictimai təzyiq olacaq. Türk futbolunun tarixini dəyişə biləcək oyunçulardan biridir. Mən də bəzən bu təzyiqlərə qarşı necə davranacağımı bilmirdim, amma karyeramdakı kuboklar ilə təzyiqlərlə mübarizə apara bildiyimi göstərdim".
"Allah Fatih Terimi qorusun. Mən Fatih hocanı təqlid etmirəm. Futbolçularla özüm istədiyim kimi danışıram", - deyə Arda qeyd edib:
"Mən gündəlik yazmağı dayandırdım! Kiminsə əlinə keçsə, mənim üçün yaxşı olmayacaq. Mən kitab yazmıram. Mənim kitabımı oxumaq əvəzinə, daha önəmli insanların kitablarını oxuya bilərlər. Haqqımda çoxlu sənədli filmlər çəkilib. "YouTube", sosial media... Məndən nəsə öyrənmək istəyən hər kəs mənim bir çox məlumatlarımı ətrafda tapa bilər. Kitabımı oxumaqdansa İlber Ortaylı oxusunlar. Mən onu sevgi səviyyəsində sevirəm. Gecələr Fatih Altaylı, Celal Şengör, İlber Hocaya qulaq asıb yatıram".
"Ağlamaq ürəyi yumşaldır. Təbii ki, ağlayıram. Amma dünyada bu qədər baş verənlərə görə özümə o qədər də məna vermirəm. Mənə böyük məna verəcək hadisələrim yoxdur. İnsanlar ölür, uşaqlar ölür. Ertəsi gün atəşkəs imzalasalar da, geri qayıtmayacaqlar. Türkiyə futbolunda bir çox məsələyə rəhbərlik etmək istəyirəm. İnfrastruktur, sahələr, taktika, inkişaf, xarici dillər... Biz Avropadan geridəyik, bunları bağlaya bilərik".