055 213 76 73
FIFA koronavirus pandemiyası ilə əlaqədar zərərə uğrayan milli federasiyalara dəstək olaraq, 1,5 milyard ABŞ dolları ayırıb.
BAKU.WS "Report"a istinadən xəbər verir ki, bu barədə ali futbol təşkilatının prezidenti Canni İnfantino qurumun konqresində bildirib.
"Şadam ki, FIFA sizə kömək etdi. Bu, dünya idmanında unikal nümunədir. Vəsait öz ehtiyatlarımızdan götürülüb, kənardan dəstək almamışıq. Ehtiyatlarımız isə son illər peşəkarcasına işləməyimiz nəticəsində yaranıb", - deyən isveçrəli funksioner "Bunlar FIFA-nın yox, sizin pullarınızdır. Onlar sizə lazımdırsa, FIFA kömək edər", - vurğulayıb.
İnfantino həmçinin bildirib ki, gələn il təşkilatın gəliri 6,44 milyard ABŞ dollarına yüksələ bilər.
Qeyd edək ki, FIFA 1,5 milyard dolları 211 üzv federasiya, o cümlədən, AFFA-ya bərabər şəkildə bölüb.