Yol kəsən parklanma: Özünə yer tapan sürücülər başqalarını necə sıxışdırırlar?

Baku TV-nin "Necə olmalıdır?" rubrikasının budəfəki buraxılışında paytaxtın Füzuli küçəsi və Hüseyn Cavid prospektində sürücüləri çətin vəziyyətə salan parklanma məntəqələri barədə məlumat verilib.

Bildirilib ki, Füzuli küçəsində sağa iki zolaq dönür, lakin parklanma məntəqəsinə görə həmin hissə bir zolağa çevrilir. Nəticədə elə şərait yaranır ki, maşınlar bir-birini sıxmağa məcbur olur.

Vurğulanıb ki, bənzər vəziyyət Hüseyn Cavid prospektində də yaşanır, lakin həmin ərazidə əsas məsələ qanunsuz parklanmadır. Yenə iki sıra məcburi sağa dönür və bir zolağa çevrilir, nəticədə məlum problemlər yaranır. Qanuni parklanma məntəqəsi isə bir neçə metr sonra başlamalıdır.