Xankəndi şəhəri ilə bağlı yeni LAYİHƏ - 5 MİLYON AYRILDI

Xankəndi şəhərində Qarabağ Regional Memarlıq və Şəhərsalma Baş İdarəsinin yeni inzibati binasının tikintisi üçün böyük həcmli tender elan edilib.

BAKU.WS-in əldə etdiyi məlumata görə, satınalma Ərazi Tikinti-Planlaşdırma Mərkəzi tərəfindən həyata keçirilir.

Tenderin ehtimal olunan qiyməti 5 milyon manatdır. Tikinti layihəsi çərçivəsində yerüstü hissənin söküntüsü, müxtəlif qrup qruntlarda qazıntı işləri və torpaq həcminin daşınması kimi bir sıra mühüm mərhələlər nəzərdə tutulur.

Qeyd edək ki, yeni inzibati bina Qarabağ Regional Memarlıq və Şəhərsalma Baş İdarəsinin fəaliyyətini tam şəkildə Xankəndi şəhərinə qaytaracaq. Bu, ərazidə idarəetmənin mərkəzləşməsi və xidmətlərin daha operativ göstərilməsi deməkdir. Regional idarəetmənin bərpası insanların təhlükəsiz şəkildə qayıtması və yaşayış üçün lazım olan xidmətlərin yaradılması baxımından mühüm addımdır.