Universitetlərin Qəbələyə köçürülməsi iddiasına rəsmi cavab

Təhsil Nazirliyi Bakıda yerləşən ali təhsil müəssisələrinin regionlara köçürülməsi ilə bağlı yayılan xəbərlərə münasibət bildirib.

Nazirlikdən "Report”a bildirilib ki, bu cür məlumatların Təhsil Nazirliyinə heç bir aidiyyəti yoxdur və qeyd olunan məsələ hazırda müzakirə mövzusu deyil:

"Bu məsələ ətrafında diqqəti cəld edən amil ondan ibarətdir ki, analoji məlumatlar bir neçə aydan bir dövriyyəyə gətirilir. Həmin məlumatı yayanların onların şərhi ilə də məşğul olması daha doğru olardı”.

BAKU.WS