"Təmiz Dünya" Qadınlara Yardım İctimai Birliyindən REPORTAJ

Noyabrın 25-də BMT Baş Məclisi tərəfindən Qadın Zorakılığına qarşı Beynəlxalq Mübarizə Günü kimi qeyd olunur.

BAKU.WS PhotoStock.az-a istinadən xəbər verir ki, bu günün tarixi 1960-cı ildə Dominikan Respublikasında baş verən hadisələrdən qaynaqlanır. Siyasi fəallıqları ilə seçilən Mirabal bacılarının qətlə yetirilməsi dünyada böyük rezonans yaratmış və qadınlara qarşı zorakılığa diqqətin artmasına səbəb olmuşdu. Bu faciə səbəbi ilə 1999-cu ildə BMT ölkələrə, beynəlxalq qurumlara və qeyri-hökumət təşkilatlarına qadın zorakılığı problemini gündəmdə saxlamaq üçün müxtəlif maarifləndirici tədbirlər keçirməyi tövsiyə edib.

Dünyanın bir çox ölkəsində olduğu kimi, Azərbaycanda da qadınların zorakılıqdan qorunması istiqamətində mühüm addımlar atılır.

Bu sahədə fəaliyyət göstərən qurumlardan biri "Təmiz Dünya" Qadınlara Yardım İctimai Birliyinin nəzdində yaradılan sığınacaqdır.

2002-ci ildən fəaliyyət göstərən bu sığınacaq zorakılığa məruz qalan qadın və uşaqları təhlükəsiz yaşayış yeri ilə təmin edir, onlara psixoloji dəstək, hüquqi məsləhət və sosial reabilitasiya kimi vacib xidmətlər göstərir.

Qurum illərdir təhlükəsizlik, hüquqi yardım və gücləndirmə proqramları vasitəsilə qadın və uşaqlar üçün etibarlı bir mərkəzə çevrilib.

PhotoStock.az-ın əməkdaşları Təmiz Dünya" Qadınlara Yardım İctimai Birliyindən fotoreportaj hazırlayıblar.

Qalereya