Təhlükə saçan binanın sakinləri özlərindən çıxdılar: "Başımıza daş tökülür"

Səbail rayonu, Yüzbəy Mürsəlov küçəsi, 147 ünvanında yerləşən yaşayış binasının qəzalı vəziyyətdə olması ilə bağlı Baku TV-nin qaynar xəttinə müraciət daxil olub.

Bina sakinlərinin sözlərinə görə, tavanın müxtəlif hissələri tökülür, divarlarda isə dərin çatlar yaranıb.

"Başımıza daş tökülür, hər yer uçur. Bina siçanlarla doludur", "İki dəfə beton qırılıb anamın başına düşüb. Gərək adam ölsün ki, gəlib baxsınlar?!" - deyə sakinlər narazılıqlarını bildiriblər.