TƏBİB təcili yardım avtomobillərinə yol verən sürücülərin görüntülərini yayıb

TƏBİB təcili yardım avtomobillərinə yol verən sürücüləri təqdir edib.

BAKU.WS xəbər verir ki, qurum bununla bağlı videoçarx hazırlayıb.

Belə ki, videoçarx yol hərəkəti qaydalarına riayət etmək şərti ilə təcili yardım avtomobillərinə yol verən sürücüləri təbliğ və təşviq etmək, onlara göstərdikləri diqqətə görə təşəkkür etmək və ən əsası başqalarına nümunə göstərmək xarakteri daşıyır.

TƏBİB hər kəsi bu nümunəvi hərəkəti davam etdirməyə çağırır:

"Təqdim etdiyimiz bu Unutmayın ki, sizin kiçik bir hərəkətiniz insan həyatının xilasında böyük rol oynaya bilər! #SürücülərəTəşəkkür həştəqi ilə bu videoçarxın daha çox paylaşılmasına və ölkəmizdə avtomobil idarə edən hər kəsə çatmasına dəstək olmağınızı xahiş edirik! Çalışın, siz də xilaskar olun!"