Sumqayıtda kanalizasiya PROBLEMİ: "Çirkab sular həyətin içinə dolur"

Sumqayıtın Hafiz Baxış küçəsində yaşayan təxminən 500-ə yaxın sakin kanalizasiya xətlərinin olmamasından narazılıq edib.

Onlar Baku TV-nin qaynar xəttinə müraciət edərək problemin həll olunması üçün aidiyyəti qurumlardan kömək istəyiblər.

Sakinlər bildiriblər ki, bu vəziyyət onların sağlamlıqlarına da təhlükə yaradır.

"Yeddi ildir burada yaşayıram. Həmin vaxtdan bəri yay-qış demədən kanalizasiya təmizləyirik. Çirkab sular həyətin içinə dolur. Antisanitar vəziyyətə görə allergiyadan əziyyət çəkirəm", - deyə sakin Zəhra Məmmədova şikayətini dilə gətirib.