Su İdmanı Sarayında təmir işləri görüləcək -1,3 milyon manatdan çox vəsait ayrılır

Bakıda fəaliyyət göstərən "Su İdmanı Sarayı" MMC çiller sisteminin əsas hissələrindən biri olan su soyutma qülləsinin yenisi ilə əvəz edilməsi üçün satınalma elan edib.

BAKU.WS-in məlumatına görə, layihə üzrə ehtimal olunan dəyər 1 339 149,51 manat təşkil edir.

Layihənin əsas məqsədi çiller sistemini tam işlək vəziyyətə gətirmək, enerji səmərəliliyini artırmaq və obyektin fasiləsiz soyutma sistemini təmin etməkdir. Bu cür sistemlər xüsusilə böyük idman və hovuz komplekslərində suyun temperatur rejiminin qorunması üçün həyati əhəmiyyət daşıyır.