Qazax sakinlərini SEVİNDİRƏCƏK XƏBƏR

Qazax şəhərində infrastrukturun yenilənməsi və abadlaşdırılması istiqamətində növbəti addım atılır.

BAKU.WS-in məlumatına görə, Qazax Rayon İcra Hakimiyyəti Başçısının Qazax şəhər inzibati ərazi dairəsi üzrə nümayəndəliyi şəhər ərazisində genişmiqyaslı abadlıq işlərinin aparılması üçün açıq tender elan edib.

Tenderin ehtimal olunan ümumi dəyəri isə 311.527,08 AZN təşkil edir. Layihə çərçivəsində şəhərin müxtəlif hissələrində abadlaşdırma və təmir-bərpa işləri nəzərdə tutulur.

Layihə şəhərin ümumi görünüşünün yaxşılaşdırılmasına, yaşayış binalarının və ictimai ərazilərin daha müasir və estetik formada yenilənməsinə xidmət edəcək.