Polis yol kənarındakı neqativ hallar aradan qaldırdı

Paytaxtın Dərnəgüldən Pirşağı istiqamətində yeni çəkilmiş yolun Balaxanı hissəsində yol kənarında qanunsuz təşkil olunan küçə ticarəti, Balaxanı qəsəbəsi, Nəriman Əzimov, Əfəndiyev küçələrində müşahidə olunan neqativ hallar aradan qaldırılıb.

BAKU.WS xəbər verir ki, bu barədə Daxili İşlər Nazirliyinin Mətbuat Xidmətinin rəhbəri Elşad Hacıyev sosial media hesabında məlumat paylaşıb.

"İctimai qaydanın qorunmasında vətəndaş-polis əməkdaşlığı mühüm rol oynayır. Pozuntu ilə rastlaşdıqda operativ reaksiya göstərən hər bir vətəndaşa təşəkkür edirik, -deyə E. Hacıyev vurğulayıb.