Orxan Lökbatanlının ustadı çətin sınaq qarşısında

ATV-də yayımlayan "Kəlmə-Kəlməyə" meyxana şousunda artıq dörddə bir mərhələnin 6-cı finalçısının adı bu həftə bəlli olacaq.

BAKU.WS xəbər verir ki, söz ustadlarının üz-üzə gəldikləri bu yarışmada dörddə bir final mərhələsinin növbəti iştirakçısı Aydın Hüseynov və Fariz Zeynalov arasında baş tutacaq cavab görüşündə bilinəcək.

Belə ki, bu iki meyxanaçı arasında baş tutan ilk görüşdə söz ustadları möhtəşəm deyişmə ilə bir-birilərinə heç də zəif rəqib olmadıqlarını sübut etdilər.

Məşhur meyxanaçı Orxan Lökbatanlının ustadı kimi tanınan Aydın Hüseynov tələbəsinin ona dəstək olacağına şübhə etmədiyini bildirib.

Qeyd edək ki, hər həftənin şənbə günü saat 22:00-da yayımlanan "Kəlmə-Kəlməyə" meyxana şousunda bu həftə cavab görüşündə Fariz Zeynalov Aydın Hüseynovun qonağı olacaq.