Mart ayında inflyasiya 5,9 faiz olub

2025-ci ilin mart ayında Azərbaycanda istehlak qiymətləri indeksi ötən ilin eyni ayı ilə müqayisədə 5,9 faiz artıb.

BAKU.WS Dövlət Statistika Komitəsinin məlumatına istinadən xəbər verir ki, bu dövrdə qida məhsulları, içkilər və tütün məmulatları üzrə qiymətlər 6,5 faiz, qeyri-qida məhsulları üzrə 2,8 faiz, əhaliyə göstərilən ödənişli xidmətlər üzrə isə 7,5 faiz bahalaşıb.

Mart ayında qiymətlər fevralla müqayisədə 0,6 faiz, ilin ilk üç ayında isə ötən ilin eyni dövrü ilə müqayisədə 5,6 faiz artıb.