Göygöldə kənd sakinləri illərdir içməli su problemindən əziyyət çəkirlər

Göygöl rayonunun Yeni Qızılca kəndinin sakinlərinin böyük bir hissəsi illərdir ki, su problemindən əziyyət çəkirlər.

Sakinlər deyirlər ki, kənd camaatının bir hissəsi su ilə təmin olunub. Digər qisminin bununla bağlı müraciətlərinə isə illərdir ki, müsbət cavab verilmir.

Mövcud vəziyyətdən şikayətçi olan vətəndaşlar məsələni Baku TV-yə belə şərh ediblər:

"Çox çətinlik çəkirik. Suyumuz yaxşı deyil, kirlidir. Borular tutulur. Ağaclarımız quruyub".

"Su idarəsi tərəfindən texnikalar verilsə, sakinlər də köməklik edər, pul yığılar".