Goranboyun Nizami və Xoylu kəndlərinin sakinləri sursat anbarında yanğınla bağlı təxliyə ediliblər

Gecə saatlarında Goranboy rayonunda sursat anbarında yanğından sonra Nizami və Xoylu kəndlərinin sakinləri təxliyə olunublar.

BAKU.WS xəbər verir ki, bu barədə "Report"un Qərb bürosuna Goranboy Rayon İcra Hakimiyyətindən məlumat verilib.

Məlumata görə, ümumilikdə təxliyə olunanların sayı 5 min nəfər təşkil edir.

Bildirilib ki, Nizami kəndinin girişində post quraşdırılıb.

Baş verən yanğından sonra sakinlərin evlərinə hər hansı ziyan dəyməyib.

Onun sözlərinə görə, yanğın hazırda davam edir:

"Müəyyən partlayış səsləri də eşidilir. Əlavə məlumat olarsa, bu barədə ictimaiyyətə bildiriləcək".