Goradildəki "Sərhədçi" istirahət mərkəzi TƏMİR OLUNACAQ

Dövlət Sərhəd Xidməti (DSX) Goradil qəsəbəsində yerləşən "Sərhədçi" istirahət mərkəzində genişmiqyaslı abadlıq və əsaslı təmir işlərinin həyata keçirilməsi üçün müsabiqə elan edib.

BAKU.WS-in məlumatına görə, layihənin ümumi dəyəri 462.451,35 manat təşkil edir.

Layihə çərçivəsində istirahət mərkəzində bir sıra söküntü və yenidənqurma işləri planlaşdırılıb.

Bu abadlıq və yenidənqurma işlərinin məqsədi "Sərhədçi" istirahət mərkəzinin müasir tələblərə uyğunlaşdırılması, infrastrukturun yenilənməsi və xidmət səviyyəsinin artırılmasıdır.