Füzulidə işğaldan azad edilmiş kəndin sakinləri dağıdılmış qəbiristanlığı birgə bərpa edir

Füzuli rayonunun işğaldan azad edilmiş Şıxlı kəndində sakinlər bir araya gələrək kənd qəbiristanlığını bərpa ediblər.

Bu barədə BAKU.WS-in "qaynar xətti"nə sakinlər məlumat verib.

Bildirilib ki, Uzun illər baxımsız qalan və dağıdılmış qəbiristanlıq təmizlənib, qəbir daşları düzəldilib, ərazi abadlaşdırılıb.

Sakinlər bu addımı ata-babalarının xatirəsinə hörmət və doğma torpağa sahib çıxmaq niyyəti ilə atıblar.

Qeyd edək ki, kənd 9 noyabr 2020-ci ildə Azərbaycan Silahlı Qüvvələri tərəfindən işğaldan azad edilib.