Cəlilabadda yığılan kartofun yarıdan çoxu xaricə ixrac olunub

Cəlilabad rayonunda sahələrdə yetişdirilən yazlıq kartofun yığımı davam edir.

Fermerlər "Report"un yerli bürosuna bildiriblər ki, məhsul Rusiya bazarları ilə yanaşı, Gürcüstan, Belarus, Qazaxıstan və Ukraynaya da ixrac olunur.

Cəlilabad Rayon Dövlət Aqrar İnkişaf Mərkəzindən bildirilib ki, bu günə qədər təsərrüfatlarda yığılan 63 min 565 tondan çox məhsulun 37 min 276 tonu xarici bazarlara göndərilib.

Qeyd edək ki, bu ilin əvvəlindən Cəlilabad rayonunda 3 min 50 hektar sahədə kartof əkilib. Hazırda məhsul yığımı davam edir.