Bu universitet tələbələrə iki aydır təqaüd ödəmir?

Azərbaycan Dillər Universitetinin (ADU) tələbələri 2 aya yaxındır təqaüdlərinin gecikdirildiyini iddia edir.

Bu barədə məlumat BAKU.WS-in "qaynar xətti"nə daxil olub.

Bildirilib ki, tələbələr fevral və mart aylarının təqaüdlərini hələ də ala bilməyiblər.

Məsələ ilə bağlı, Azərbaycan Dillər Universitetinin İctimaiyyətlə əlaqələr şöbəsinin müdiri Cavid Zeynallı ilə əlaqə saxladıq. O, bildirdi ki, təqaüdlər bu gün köçəcək:

"İmtahandan sonrakı ayda ənənəvi olaraq bu cür olur. İmtahan nəticələri açıqlanır, daha sonra təqaüdlər verilir. Bu gün təqaüd köçəcək", - C. Zeynallı vurğulayıb.