Bakının mərkəzi prospektlərinin birində işıqforlarla bağlı yaranmış problem aradan qaldırıldı

Bakının Yasamal rayonu, Hüseyn Cavid prospektində işıqforlarla bağlı yaranmış problem aradan qaldırılıb.

Bunu Daxili İşlər Nazirliyinin (DİN) Nəqliyyatı İntellektual İdarəetmə Mərkəzinin (NİİM) mətbuat katibi Ömər Xıdırov BAKU.WS-ə bildirib.

"Elektrik enerjisinin verlişi bərpa olunub və işıqforlar hazırda işləyir", - deyə Ö. Xıdırov vurğulayıb.

***15:26

"Qeyd olunan prospektdə svetoforların işləməməsinə səbəb əraziyə verilən elektrik enerjisinin kəsilməsi olub".

Bunu Daxili İşlər Nazirliyinin (DİN) Nəqliyyatı İntellektual İdarəetmə Mərkəzinin (NİİM) mətbuat katibi Ömər Xıdırov BAKU.WS-ə açıqlamasında deyib.

"Məsələ ilə bağlı aidiyyəti dövlət qurumuna məlumat verilib. Problemin qısa müddətdə aradan qaldırılması üçün işlər görülür", - deyə Ö. Xıdırov qeyd edib.

***14:59

Bakının Yasamal rayonu, Hüseyn Cavid prospektində işıqforlar işləmir.

BAKU.WS-in məlumatına görə, sözügedən hal bu gün baş verib.

Nəticədə paytaxtın əsas prospektlərindən biri sayılan yolda sürücülər üçün təhlükəli vəziyyət və qəza üçün şərait yaranır.

Sözügedən ərazidən görüntüləri təqdim edirik:

Qalereya

Banu Hüseynli