Bakıda bu məktəb sökülərək yerində yenisi TİKİLƏCƏK

Bakının Sabunçu rayonunda yerləşən 68 nömrəli tam orta məktəbin yerində inşa edilən 528 şagird yerlik yeni binanın tamamlanması istiqamətində daha bir satınalma həyata keçirilir.

BAKU.WS-in məlumatına görə, Təhsilin İnkişafı Fondu məktəbin tikintisində əlavə işlərin görülməsi və tədris məkanı üçün zəruri mebel avadanlıqlarının alınması ilə bağlı tender elan edib.

Satınalmanın ümumi dəyəri 1,3 milyon manatdan çox qiymətləndirilir.

Yeni məktəb binası müasir standartlara uyğun təhsil mühiti yaratmağı, Sabunçu rayonunda şagird sıxlığını azaltmağı və tədrisin keyfiyyətini yüksəltməyi hədəfləyir.