Azərbaycanda bu ərazidə 12 və 16 mərtəbəli binalar TİKİLƏCƏK

Abşeron rayonunun Saray qəsəbəsində yeni yaşayış kompleksinin inşasına start verilir.

BAKU.WS-in əldə etdiyi məlumata görə, layihəyə əsasən, 4,5 hektar ərazidə 5 nömrəli 12 mərtəbəli, həmçinin 6 və 7 nömrəli 16 mərtəbəli çoxmənzilli binalar tikiləcək.

Tikinti işlərinin sifarişçisi Mənzil İnşaatı Dövlət Agentliyidir (MİDA). Layihənin dəyəri təxminən 27,3 milyon manat təşkil edir.

Binaların tikintisi başa çatdıqdan sonra Saray qəsəbəsində yeni mənzillərin satışa çıxarılması gözlənilir.