Azərbaycan və Oman 200 milyon dollarlıq Birbaşa İnvestisiya Fondu yaradıb

Azərbaycan İnvestisiya Holdinqi və Oman İnvestisiya Qurumu arasında dəyəri 200 milyon ABŞ dolları olan Birbaşa İnvestisiya Fondunun yaradılması ilə bağlı Səhmdarlar Müqaviləsi imzalanıb.

BAKU.WS xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.

Onun sözlərinə görə, bu, Omana işgüzar səfər çərçivəsində baş tutub.

"Fondun fəaliyyəti ikitərəfli investisiya əməkdaşlığının güclənməsinə, ərzaq sənayesi, səhiyyə, bərpa olunan enerji, istehlak malları və logistika kimi müxtəlif sahələrdə Azərbaycan, Oman, Mərkəzi Asiya və digər ölkələrdə strateji investisiya layihələrini həyata keçirməklə ölkələrimizin iqtisadi inkişafına töhfə verəcək", - deyə nazir qeyd edib.

Oman Sultanlığına işgüzar səfərimiz zamanı Oman İnvestisiya Qurumu (@Oman_OIA) və Azərbaycan İnvestisiya Holdinqi (@AzInvestHolding) arasında dəyəri 200 milyon ABŞ dolları həcmində müəyyən edilən #Azərbaycan - #Oman Birbaşa İnvestisiya Fondunun yaradılması ilə bağlı Səhmdarlar… pic.twitter.com/t7WRk8TKMb

— Mikayil Jabbarov (@MikayilJabbarov) October 8, 2025