Haqqımızda
ATV-nin 24 yaşı tamam oldu
Bu gün Azad Azərbaycan (ATV) telekanalının yarandığı gündür.
BAKU.WS xəbər verir ki, 25 dekabr 2000-ci il tarixində fəaliyyətə başlayan Azərbaycanın özəl telekanallarından birinin 24 yaşı tamam olur.
"Azad Azərbaycan Teleradio Yayım Şirkəti" 13 may 1998-ci ildə Ədliyyə Nazirliyi tərəfindən dövlət qeydiyyatına alınıb, 25 dekabr 2000-ci il tarixində isə yayıma başlayıb.
Kanalın ilk efir vaxtlarında yayım saatını əsasən kliplər, bədii və cizgi filmlər təşkil edib. Lakin 2002-ci ildən "Son Xəbər" adlı xəbər verilişi ilə informasiya proqramlarının yayımına başlayıb.
2009-cu ilin oktyabrında "ATV International" adlı digər kanal yayıma başlayıb. 2013-cü ildə kanalın adı dəyişdirilərək CBC olub. Bu, Azərbaycanın ilk və yeganə beynəlxalq telekanalıdır.
21 dekabr 2015-ci il tarixində "ATV Plus"da "HD" yayıma başlayıb. Hazırda "Azad Azərbaycan HD" kanalının ölkənin hər yerindən izlənilməsi imkanı var. 4 yanvar 2016-cı il tarixindən etibarən Rusiyanın "NTV Plus" kabel televiziyasında yayımlanır.
28 yanvar 2022-ci ildə "Azerspace-1" peykində HD yayım formatına keçib.
BAKU.WS-in kollektivi ATV-də çalışan bütün həmkarlarını təbrik edir, onlara işlərində yeni-yeni uğurlar arzulayır.
Oxşar xəbərlər
AZAL təyyarəsində olan yaralıların xəstəxanadan GÖRÜNTÜLƏRİ
AZAL təyyarəsində olan yaralıların xəstəxanadan görüntüləri yayılıb. BAKU.WS xəbər verir ki, bu barədə kadrları Xəzər TV paylaşıb. Xatırladaq ki, bu gün Aktau ş...
