ADY-nin sürət qatarlarında kondisioner işləmir? - Rəsmi cavab

Sumqayıt-Pirşağı-Bakı və Sumqayıt-Xırdalan-Bakı qatarlarından mütəmadi istifadə edən bəzi sərnişinlər narazıdırlar.

Bu barədə məlumat BAKU.WS-in "qaynar xətti"nə gəlib.

Bildirilib ki, sözügedən reyslər üzrə hərəkət edən qatarlarda kondisioner işləmir və içəri həddindən artıq isti olur.

"Vaqonlarda havalandırma və ya kondisionerlər işləmir. O qədər də sıxlıq olur ki sərin qalmaq mümkün olmur", - deyə sərnişinlərdən biri vurğulayıb.

Məsələ ilə əlaqədar Azərbaycan Dəmir Yollarının mətbuat xidməti ilə əlaqə saxladıq. Qurumun sözçüsü Bəxtiyar Hacıyev bildirdi ki, ADY-nin sürət qatarlarında kondisioner problemi yoxdur:

"Bu, ekspres qatarları ilə bağlıdırsa, sıxlıq vaxtı olur, çünki kondisioner bəzən çatdırmaya bilir. Bu da qısamüddətli haldır", - deyə B. Hacıyev vurğulayıb.