133 uşağın dərsə davamiyyəti bərpa edilib

2025-ci il ərzində Sosial Xidmətlər Agentliyinin sosial işçiləri 414-ü yeni olmaqla, ümumilikdə 685 məktəbə səfər edib və əməkdaşlıq edilən məktəblərin sayı 1140-a çatdırılıb.

BAKU.WS xəbər verir ki, bu barədə Agentliyin sədri Vüqar Behbudov qurumun 2025-ci ilin yekunlarına həsr olunmuş mətbuat konfransında məlumat verib.

Qeyd olunan dövrdə 1392 uşaq məktəbdə ilkin qiymətləndirmədən keçib, vəziyyəti daha riskli olan 320 uşağın ailələrinə isə ətraflı qiymətləndirmə aparmaq məqsədilə səfərlər təşkil edilib.

Nəticədə uşaqların ailələri ilə sosialyönümlü iş aparılıb, 133 uşağın dərsə davamiyyəti bərpa edilib. Baxımsız və kimsəsiz uşaqlar Agentliyin Uşaq evi sosial xidmət müəssisəsinə yerləşdirilib, bəziləri fərdi təhsilə yönləndirilib. Həmçinin, loqopedə müalicə olunaraq müsbət nəticə göstərən uşaqlar da olub.

Təhsildə sosial iş xidməti çərçivəsində 142 ailəyə fərdi inkişaf planı tərtib edilib.