Gəncənin yol polisi şöbəsinə yeni rəis təyin olundu

Daxili İşlər naziri, general-polkovnik Vilayət Eyvazovun əmri ilə Gəncə şəhər Dövlət Yol Polisi Şöbəsinə yeni rəis təyin edilib.

BAKU.WS-in bölgə müxbirinin verdiyi məlumata görə, polis mayoru Eldəniz Həsənov Gəncə şəhər Dövlət Yol Polis Şöbəsinin rəisi vəzifəsinə təyin olunub.

E. Həsənov yeni işində uzun müddət bu vəzifəni icra etmiş və bu günlərdə sərəncama götürülən polis polkovnik-leytinantı Rəhim Zalovu əvəz edib.