Qaranohur ərazisindəki tullantılar yığışdırılıb

Qaranohur ərazisindəki tullantılar yığışdırılıb, zədələnmiş plakatlar yenilənib, maarifləndirici nişanlar bərpa olunub, həmçinin marşrut boyunca növbəli nəzarət təşkil edilib.

BAKU.WS xəbər verir ki, bu barədə Ekologiya və Təbii Sərvətlər Nazirliyinin mətbuat katibi İradə İbrahimova bildirib:

"Hər il istirahət mövsümündə insanların dincəldiyi guşələrdə, çay kənarlarında, dağ çaylarının hövzələrində və digər təbiət ərazilərində tullantılara rast gəlinir. Qaranohur gölü marşrutu da istisna deyil. Əməkdaşlarımız ərazini mütəmadi olaraq təmizləsə də, eyni xoşagəlməz mənzərə təkrar-təkrar yaşanır. İldən-ilə belə hallar azalsa da, nəticə hələlik ürəkaçan deyil. Belə halları birmənalı olaraq pisləyir və qınayırıq. Nazirlik tullantılarla mübarizə istiqamətində davamlı təbliğat aparır, təmizlik aksiyaları təşkil edir. Təbiətsevər vətəndaşımızın bu məsələ ilə bağlı paylaşımını təqdir edir və təşəkkür edirik. Ümid edirik ki, bu cür paylaşımlar istirahət mədəniyyətinin formalaşmasına və ictimai qınağın güclənməsinə töhfə verəcək".

Qeyd edək ki, sosial şəbəkədə Qaranohur gölündə ərazinin tullantılarla çirkləndirildiyi, plakatların cırıldığı, eləcə də ağacların üzərində yazıların yazılması ilə bağlı görüntülər yayılıb.

Qalereya

***11:02

İsmayıllı rayonunun Qaranohur gölünün ətrafında ekoloji vandalizm halları müşahidə olunub.

BAKU.WS xəbər verir ki, sosial şəbəkələrdə yayılan görüntülərdə bəzi şəxslərin gölün ətrafındakı 50-100 illik ağacların qabığını bıçaqla kəsərək üzərinə maşın nömrələri və adlar yazdıqları əks olunub. 

Bundan əlavə, bölgəyə gələnlərin bir qismi məlumat lövhələrini sıradan çıxarıb, ətraf mühiti zibilləyiblər. 

Belə halların təkrar yaşanmaması üçün əraziyə nəzarətin gücləndirilməsi vacibdir.

View this post on Instagram

A post shared by Garib Taghizade (@garib_taghizade)