"Uzak Şehir"in ulduzu sərvət qazanacaq - RƏQƏMLƏR AÇIQLANDI

"Uzak Şehir" serialının ulduzu Ozan Akbaba bu dəfə gəlirini çəkiləcəyi reklamla artıracaq.

BAKU.WS xəbər verir ki, o ev almaq üçün maliyyə dəstəyi (ipoteka, mənzil krediti) təqdim edən banklardan birinin siması olacaq.

Cihan obrazı ilə tamaşaçıların sevgisini qazanan Ozan Akbaba artıq reklam çəkilişlərinə start verib.

Bu əməkdaşlıq ona 30 milyon lirə (1 milyon 185 min AZN) gəlir qazandıracaq ki, bu məbləğ reklam bazarında olduqca böyük və diqqətçəkən rəqəmlər hesab edilir.

Akbabanın rol aldığı reklam kampaniyasının yaxın zamanda televiziya ekranlarında və rəqəmsal platformalarda yayımlanacağı gözlənilir.

Bu layihə həm aktyorun populyarlığını, həm də reklamın təsir gücünü daha da artıracaq.

Qalereya