Tan Taşçı konsertində BƏDBƏXT HADİSƏ İLƏ ÜZLƏŞDİ - ANBAAN GÖRÜNTÜ

Müğənni Tan Taşçı konsert zamanı gözlənilməz təhlükə ilə üzləşib. Hadisə İzmir şəhərində keçirilən çıxışı zamanı baş verib.

BAKU.WS xəbər verir ki, səhnədə tamaşaçılarla ünsiyyət quran sənətçi selfi çəkdirmək üçün səhnənin kənarına yaxınlaşıb və izləyicilərdən birinin telefonunu götürmək istəyib. Həmin anda səhnə dekorasiyasının bir hissəsi olan alov effekti sistemi qəfil işə düşüb.

Alov bir anda müğənninin üz nahiyəsinə yaxınlaşaraq saçının bir hissəsinin yanmasına səbəb olub. Qısa müddətli təşvişə baxmayaraq, Tan Taşçı səhnəni tərk etməyib və proqramını davam etdirib.

Hadisə sosial şəbəkələrdə geniş müzakirələrə səbəb olub.