Faiq Ağayev: "Nə Avropada, nə də Amerikada olmamışam"

"Çox nadir hallarda, 5-6 ildən bir istirahətə gedirəm. Özü də elə ölkə seçirəm ki, gərək oraya getmək üçün 20-23 saat uçasan".

BAKU.WS "axşam.az"a istinadən xəbər verir ki, bu sözləri Xalq artisti Faiq Ağayev "Həmin Zaur" verilişində deyib. Sənətçi indiyə qədər Avropa və Amerikada olmadığını bildirib:

"Seyşel, Maldiv adalarında, Malayziyada olmuşam. Elə yerlərə gedirəm ki, biz onu xəyalən təsəvvürümüzə gətiririk. Türkiyədə və Rusiyada da olmuşam. Misirdə, Avropada və Amerikada olmamışam. Çox maraqlıdır ki, mən həyatımda bir dəfə də olsun nə Avropada, nə də ki, Amerikada olmamışam. Gərək növbəti dəfə oraya gedim. Avropaya da gərək 25 dekabrdan sonra gedəsən, Milad və Yeni il bayramında".