Əməkdar artist: "Demək olar ki, hər ailədən müğənni çıxır"

Əməkdar artist Zakir Əliyev "Xəzər axşamı" verilişində qonaq olub.

BAKU.WS "axşam.az"a istinadən xəbər verir ki, sənətçi hazırda müğənnilərin sayının çox olmasından gileylənib:

"Bizim yaş dövrümüzün insanları cavanları qınayırlar ki, indi məşhurlaşmaq asandır. İnstaqramda nəsə paylaşırlar, tanınırlar. Amma deyim ki, onlar üçün də çətindir. Çünki axın çoxdur. Tamaşaçı da başını itirib.

Demək olar ki, hər ailədən müğənni çıxır. Hər nəslin öz oxuyanı var. İstedadlı xalqıq, Allah bizi böyük yaradıb. Əhalimizin üçdə birində səs var. Bu o deməkdir ki, hamı mahnı oxumalıdır? Səs var oxumaq üçündür, səs də var, qatıq satmaq üçün".