Dünyanın ən çox qazanan AKTYORLARI

Dünyanın ən çox qonorar alan aktyorlarının siyahısı açıqlanıb.

BAKU.WS-in araşdırmasına görə, Forbes və digər nüfuzlu mənbələrin məlumatına əsasən, 2024-cü ildə ən yüksək qazanc əldə edən aktyor Dueyn Conson olub.

O, Amazon-un Red One filmindəki müqaviləsi və Moana 2 layihəsindəki iştirakı sayəsində 88 milyon dollar qazanıb.

Siyahıda ikinci yerdə Rayan Reynolds qərarlaşıb. O, Deadpool & Wolverine filmindəki rolu və prodüserlik fəaliyyəti ilə 85 milyon dollar gəlir əldə edib.

Üçüncü yerdə Kevin Hart yer alıb. O, müxtəlif film layihələri, stand-up şouları, podkast və reklam gəlirləri hesabına 81 milyon dollar qazanıb.

Jerry Seinfeld 60 milyon dollar, Hyu Cekman isə 50 milyon dollar gəlir əldə edərək siyahının davamında yer alıblar.

Digər məşhurlar arasında Bred Pitt (32 milyon dollar), Corc Kluni və Nikol Kidman (hər biri 31 milyon dollar), həmçinin Adam Sendler və Uill Smit (hər biri 26 milyon dollar) var.

Mütəxəssislərin fikrincə, bu aktyorların qazancının əsas hissəsi filmlərlə yanaşı prodüserlik, ssenaristlik və müxtəlif kommersiya fəaliyyətlərindən əldə edilib.