Azərbaycanlı aparıcı: "Həyat yoldaşımla da burada tanış oldum"

Tanınmış aparıcı Leyla Quliyeva sosial şəbəkə paylaşımı ilə diqqət çəkib.

BAKU.WS xəbər verir ki, o instaqram hesabında rejissor həyat yoldaşı Abbas Quliyevlə İTV kanalında tanış olduğunu bildirib.

Aparıcı bu barədə İTV kanalının 20 illiyi münasibətilə paylaşdığı postda qeyd edib.

"20 il... 2005-ci il avqustun 29-u İctimai Televiziya fəaliyyətə başladı. İlk dəfə səhnəyə aparıcı kimi çıxmalı idim. Konservatoriyanın ikinci kurs tələbəsi, məntiqlə musiqiçi olacaqdım. Özü də xor dirijoru. Amma Aygün xanım Səmədzadə məndə başqa potensial görürdü. Mənə inanan ilk o oldu. Daha sonra isə kanalın o vaxtkı baş direktoru İsmayıl Ömərov. Həyatımda mayak olan insanları heç vaxt unutmuram, onlara ölənə qədər sadiqəm. Və bu gün televiziya fəaliyyətimin 20 ili tamam olur. Ümidvaram ki, bu 20 ildə onların üzünü qara etmədim. İctimai TV-də tək efir adımı, karyeramı, uğurlarımı qazanmadım. Həyat yoldaşımla da burada tanış oldum - Abbas Quliyev. Səndən danışıram. Bu gün əldə etdiyim nailiyyətlərin, 3-5 nəfər arasında tanınmağımın səbəbkarı ilk növbədə İctimai Kanaldır".