Rəisinin helikopter qəzasında ölümü ilə bağlı istintaq başa çatıb

İran prezidenti İbrahim Rəisinin helikopter qəzasında ölümü ilə bağlı istintaq başa çatıb.

BAKU.WS xəbər verir ki, bu barədə TASS agentliyi İran mətbuatına istinadən məlumat yayıb. İran xüsusi xidmət orqanlarındakı mənbənin verdiyi məlumata görə, Rəisinin helikopteri hər hansı kənar müdaxilə olmadan, qəzaya uğrayıb.

Xatırladaq ki, İran Prezidentinin "Bell-212" helikopterinin qalıqları mayın 20-də səhər saatlarında Tehrandan 600 km şimal-qərbdə İran İnqilabı Keşikçiləri Korpusunun pilotsuz təyyarələri (PUA, dron) və xilasediciləri tərəfindən aşkar edilib. Helikopter demək olar ki, tamamilə yanıb.