Ramiz Mehdiyevlə bağlı məsələ AMEA-nın gündəliyindən çıxarıldı

Ramiz Mehdiyevin Azərbaycan Milli Elmlər Akademiyasının həqiqi üzvlüyündən xaric edilməsi məsələsi akademiyanın bugünkü ümumi yığıncağının gündəliyindən çıxarılıb.

BAKU.WS Oxu.az-a istinadən xəbər verir ki, AMEA-nın bugünkü iclasında akademiyanın prezidenti İsa Həbibbəyli, elm və təhsil nazirinin müavini Firudin Qurbanov, dövlət və hökumət rəsmiləri iştirak edirlər.

İclasın gündəliyinə bir məsələ - AMEA-nın elmi təşkilatlarının və ali təhsil müəssislərinin 2025-ci ildəki elmi-təşkilati fəaliyyəti haqqında məruzə daxil edilib.

Sonda isə AMEA-nın Rəyasət Heyətinin qərarı olacaq.

Xatırladaq ki, daha əvvəl ümumi yığıncağın gündəliyinə Ramiz Mehdiyevin həqiqi üzvlükdən çıxarılması ilə bağlı məsələnin daxil edildiyi bildirilirdi.