Ceyhun Bayramovdan İrana səfər etmiş Azərbaycan vətəndaşları ilə bağlı AÇIQLAMA

"İrana səfər edən və hazırda orada olan vətəndaşlarımızla bağlı mütəmadi şəkildə həm İrandakı səfirliyimiz, həm də Təbrizdəki Baş Konsolluğumuz fəaliyyətdədirlər".

BAKU.WS Oxu.Az-a istinadən xəbər verir ki, bu fikirləri xarici işlər naziri Ceyhun Bayramov Bakıdakı Şəhidlər xiyabanında 20 Yanvar şəhidlərinin məzarlarını ziyarət etdikdən sonra jurnalistlərə açıqlamasında deyib.

O bildirib ki, bu müddət ərzində fəaliyyət 1 saat da olsa, dayanmayıb:

"Orada olan vətəndaşlarımız çətinliklə üzləşəndə müvafiq nömrələrlə əlaqə saxlaya bilərlər. Biz burada hər hansı bir ciddi problem görmürük".